മൂകമാമെന്മനസ്സിൽ നീ, അക്ഷര കച്ഛപീ
വീണാനിസ്വനമായൊഴുകേണമംബികേ,
നിത്യാരണ്യ വാസിനീ , നിത്യ താരുണ്യെ
നൃത്തവിലോല സോപാന സൌപർണ്ണികേ
എത്തണമെൻ മനസ്സിൽ നിത്യവും നീയക്ഷര
നൃത്തമാടി അക്ഷത സൗരഭവാഹിനീ
ചിന്മയ മന്ദഹാസ മഴയായ് പൊഴിയുക നീ
യെന്മാനസ കല്മഷ മെല്ലാമൊഴിയുവാൻ,
ഗുരുത്വമാ മക്ഷരത്രയ ത്രിമധുരം വിളമ്പി
നാവിൽ , നിറശംഖ് ചൊരിയും തീർത്ഥമായി.
നാദ വിപഞ്ചികാ തീർത്ഥമായോഴുകൂ നീയെൻ
പാഴ്ശ്രുതി പടരുമീ കണ്ഠ തടങ്ങളിൽ
കതിരവൻ പൃഥി തൻ നെറുകയിൽ ചൂടിച്ച
പരകോടി കുങ്കുമ സൌന്ദര്യ വാഹിനീ .
ഇനിയൊരു ജന്മമുണ്ടെങ്കിൽ അന്നുമാ
പദനിസ്വനം കാതോർത്ത് ഞാൻ മുന്നിൽ നടക്കാം
ഉള്ളിന്റെയുള്ളിലായ് നീ കുടിയേറും നാളോളം
ഒരു വട്ടം പോലും പിന്നോട്ട് നോക്കാതെ.
അതിനായ് തരുമോ ഇനിയൊരക്ഷര ജന്മം
നിൻ തിരുവുടൽ പുൽകുമൊരനവദ്യ സുകൃതമായ്
ഒരു നുള്ള് കുങ്കുമം നെറുകയിൽ വിതറുമോ
മൊഴിയറ്റ നാവിൽ നാദം വിടരുവാൻ.
പ്രേംകുമാര് കുമാരമംഗലം .
വീണാനിസ്വനമായൊഴുകേണമംബികേ,
നിത്യാരണ്യ വാസിനീ , നിത്യ താരുണ്യെ
നൃത്തവിലോല സോപാന സൌപർണ്ണികേ
എത്തണമെൻ മനസ്സിൽ നിത്യവും നീയക്ഷര
നൃത്തമാടി അക്ഷത സൗരഭവാഹിനീ
ചിന്മയ മന്ദഹാസ മഴയായ് പൊഴിയുക നീ
യെന്മാനസ കല്മഷ മെല്ലാമൊഴിയുവാൻ,
ഗുരുത്വമാ മക്ഷരത്രയ ത്രിമധുരം വിളമ്പി
നാവിൽ , നിറശംഖ് ചൊരിയും തീർത്ഥമായി.
നാദ വിപഞ്ചികാ തീർത്ഥമായോഴുകൂ നീയെൻ
പാഴ്ശ്രുതി പടരുമീ കണ്ഠ തടങ്ങളിൽ
കതിരവൻ പൃഥി തൻ നെറുകയിൽ ചൂടിച്ച
പരകോടി കുങ്കുമ സൌന്ദര്യ വാഹിനീ .
ഇനിയൊരു ജന്മമുണ്ടെങ്കിൽ അന്നുമാ
പദനിസ്വനം കാതോർത്ത് ഞാൻ മുന്നിൽ നടക്കാം
ഉള്ളിന്റെയുള്ളിലായ് നീ കുടിയേറും നാളോളം
ഒരു വട്ടം പോലും പിന്നോട്ട് നോക്കാതെ.
അതിനായ് തരുമോ ഇനിയൊരക്ഷര ജന്മം
നിൻ തിരുവുടൽ പുൽകുമൊരനവദ്യ സുകൃതമായ്
ഒരു നുള്ള് കുങ്കുമം നെറുകയിൽ വിതറുമോ
മൊഴിയറ്റ നാവിൽ നാദം വിടരുവാൻ.
പ്രേംകുമാര് കുമാരമംഗലം .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ